Vidas paralelas

É incrível a quantidade de cousas que acabas descubrindo da túa familia dum jeito casual. Hai historias que dariam para um filme.
Para mim falar dos avós é umha cousa extranha, nom conhecim a ningúm deles. a minha nai tem vagos recordos do seu pai e conheceu umha avoa. de todos jeitos eu nunca tivem referencias deles, tam só algumhas cousinhas soltas da nai da minha nai. O meu pai nom fala nunca da súa familia.
O caso é que descubrim umha historia que me pareceu interesante. A miña nai tinha um tio que casou e tivo umha filla. ao pouco de nacer a sua filla marchou para America e alá fixo outra vida, casou cunha americana 20 anos maior que el e tivo outra filla. Descubrím que a minha nai tinha umha prima ianqui (Rose Mari, para o tio da minha nai Rosamari). Forom pasando os anos e o tio da minha nai mandava dinheiro pero el foise asentando alá.
Despois de que a súa muller morrese el já estava bastante entrado en anos tamém. Convidou á sua filla galega a conhecer USA, e el acabou voltando com ela (talvez era o que tinha pensado desde o principio para intentar recuperar dalgúm jeito a vida que deixara aquí). A súa filla galega, que só conhecia a seu pai dalgunha foto, tramou que os seus pais volvesem a juntar-se e incrivelmente conseguiuno (seguramente mandase o dinheiro). A mulher do meu tio tamém tinha a sua historia, tamém casara novamente (ambos tinham 2 casamentos sem estarem divorciados) e tamém tivera outro fillo. Agora já estava viuva. Anos depois os novamente juntos tios da minha nai despois de pasar ainda bastantes anos nos Estados Unidos regresarom ao país para morrer e establecerom-se coa sua filla na Coruña. Fai anos que morrerom e eu só tenho lembranças dunha vellha e dum velho, ao que lhe faltava umha perna (que eu tinha mitificado que perdera na guerra e resulta que a perdeu por umha enfermidade já de velho) que tinham umhas historias moi retorcidas tras eles. Gusta-me ser um pouco mineiro para ir perforando nas historias familiares, o malo é que às vezes bato contra rochas moi duras.