Sempre

Sempre!

Outra vez enganchado

 

 

Fai uns días que ando a escoitar os Maiden a todas horas. o E-mule fai "majas". Teño moito por escoitar, que facía 12 ou 13 anos que non lles seguía a pista e me perdín moitos discos.

Non puiden resistir nacionalizar ao Eddie.

Reliquias Dorneiras

Remexendo pola casa. Atopamos fotografías antigas de familiares que nunca coñecín, como a do meu avó materno do que nunca vira unha soa fotografía. Morreu na postguerra.

Outra das cousas que tamén atopamos foi esta invitación ao baile da Festa da Dorna do ano 1962. Nestes 44 anos moitas cousas cambiaron na R. e I. Cofradía da Dorna. O idioma, o carácter reivindicativo, as formalidades. Pero o que si mantén é o ambiente festeiro e lúdico (fixadevos na hora do baile. 23,12 horas). Iso tamén se fai hoxe.

A convidada era unha tía miña que tampouco cheguei a coñecer.

RepubliKas

Bem-vida Seleçom galega

Estavamamos-te agardando com impaciéncia. Só fazia falta querer.

Resucitado

Aqui ando. Resucitado despois da Dorna. Aínda que tenho algumha secuela. Um resfriado mal curado, umha dor de vértebras que nom sei moi bem de onde vem. Agora começa o inverno para mim. Toca tabernear, pero do outro lado da barra.
De todas formas ainda me queda tempo para fazer algumhas das minhas cousas, como ejercer de padrinho. Onte foi o aniversário do meu sobrinho, ademáis de ser o do Zeca.
Viagem até a tenda de deportes: 1.00 €
refresco e cerveja: 3.00 €
chandal do Dépor: 97.70 €
ver a cara de felicidade do meu sobrinho: Nom tem preço.

Desta Foi

Fai uns dias eu andava todo contento coa minha pulseira de destavai.com, pero isso nom supera á felicidade que sinto ao poder lucir esta outra de "Desta foi". Já vai a pobre um pouco gastadinha ainda que só tenha 36 horas. Nota-se que a noite mágica, entre as molhaduras de cerveja e o suor, acavarom um pouco com ela. E como ademais hai que ser ecologista temos que pór em práctica a reutilizaçom, o único que hai que fazer é dar-lhe a volta à original, escrever e punto. "E nom tenho nada máis que dizir"

FD05

já se nota que está a chegar a nossa primavera

Fraga tem dúvidas sobre a limpeza do voto emigrante

Pois entóm nós..... Nós nom é que tenhamos dúvidas, é que está demostrado que hai cada chanchulhada...

O futuro dum país tirado no cham

.

Hai que conta-los

Se eles os querem contar, os demais tamém. Aparte de contar os votos da emigraçom, querem volver a contar moitas mesas. Se eles querem contar.... Hai que estar moi atentos.

números

Onte tinha claro que o PP nom ia conseguir o deputado 38 co voto da emigraçom. Hoje já tenho bastantes dúvidas, é máis, creo que si que o vai quitar.
Esperam-se 40.000 votos na circunscriçom de Pontevedra:
contando coa diferença de 8166 votos e de que o PP ten que quitar 11 votos por cada 8 do PSOE.

contando que o BNG manteña o seu 6,23 % dos votos (dos sumados entre o PP, BNG e PSOE) non conto nulos, brancos e outros. Son 2492 votos (quedam 37508 para repartir entre o PSOE e o PP)

Hipoteticos: 12.000 votos para o PSOE (o 30%, mais ou menos o que quitou no país)
ao PP chegariam-lhe 24.666 votos para conseguir o deputado 38. Isto é o 61% dos votos sumados entre o (PP, BNG e PSOE)
Que tampouco é um 61% do total, porque sempre hai votos a máis partidos, nulos e brancos.

Com menos do 60% dos votos ao PP já lhe chega para foder-nos a vida 4 anos máis.

Por umha vez na vida até me poderia alegrar do efeito ZP.
Sinto ser tam pesimista. Pero é o pálpito que tenho. e nom me suelo equivocar. Bueno, este ano equivoquei-me (fum demasiado optimista)

listaxe do PP da Corunha

Na candidatura que presenta o PP na provincia da Coruña, dos 10 primeir@s só hai umha mulher. As enquisas dam-lhe ao PP 9 deputados, ou 10 no melhor dos casos para eles (agardemos que nom). É flipante que logo saiam decindo que fam moito polas mulheres, bla, bla, bla.

velho grunhom

que pasa neeng?
um pouquinho de humor, que a pesar de ter um pequeno baixom onte, hoje quero acavar a campanha com bo humor e com optimismo. Pero por se acaso já tenho pedido asilo político em Brasil

Estou farto

Estou farto de ter que avergonhar-me polo país.
Estou farto de que todo o mundo che pase a mam polo lombo moitos días do ano para falarmos de política, e o día das eleçons renegue de ti e nem che saúdem.
Estou farto de ter inimigos invisíveis por todas partes. Os peores, os que nom dam a cara.
Estou farto de nom poder explicar o por que de que despois de tantas calamidades no país sigamos tendo os mesmos governantes.
Cáese-me a cara de vergonha por viver num país submiso aos intereses doutros, por viver num país onde mandam os que menos se preocupam polos demais, polo benestar social.
Quero ter um país do que poder sentir-me orgulhoso. Onde me poida sentir livre de fazer e pensar o que queira.
Quero viver num país onde nom mire todo o mundo polo seu cú. Um país actual, que leve a nosa lingua com dignidade polo mundo adiante, que leve a nosa identidade como patrimonio da humanidade, com orgulho para que nom quede num museo. No país onde nom só se fale galego para facer anuncios electorais, ou para botarlle de comer aos porcos, senón tamém para falarmos de computadoras, enlaces nucleares ou chatarra espacial.
Quero viver na Galiza do 2005 no 2005, que nom tenhamos que agardar 40 anos para poder desfrutar a Galiza que nos toca agora. Onde as cacicadas nom se vejam como “e-che o que hai”
Quero viver no país onde a gente se faga preguntas, e que confíe em que as cousas se podem cambiar se queremos.
Em sério, estou farto, quero um país novo XA, temos direito

Desta vai

A verdade é que esta campanha de marketing da asemblea comarcal de Compostela está tendo moito éxito. eu estou encantado coa minha pulseria de Destavai.com. ánimo.

Non somos tristes, non queremos ser tristes
Temos ideas, alegría, temos forza para camiñar contra corrente.
Traballamos arreo, temos propostas e DESTA VAI!
Desta vai por que estamos fartos de ter que falar con medo.
Desta vai porque non queremos máis cotas.
Desta vai porque non nos gusta o chapapote.
Desta vai porque non queremos máis desprezo.
Desta vai porque falamos a lingua do país.
Desta vai porque temos a forza dos nosos ríos.
Desta vai porque Canarias é bo sitio para ir vacacións.
Desta vai porque os enchufes son só para a corrente.
Desta vai porque non nos gusta que nos manipulen.
Desta vai porque somos galegas.
Desta vai porque somos galegos.
Desta vai porque é o noso.

Hai que Bota-los.... Hai que Para-los

Gentes de Ribeira e comarca da Barbanza. Nom podedes faltar à proxeçom do filme "Hai que botalos" que vai ter lugar o venres dia 3 de junho às 21:00 horas no ies de Coroso (Antigo FP). Sede puntuais

Campo dos Grilos

Era o Sam Siro dos equipos de Monumento de Arriba e Monumento de Abaixo. Campo común, terreo neutral. Aí os 2 xogavam na casa, a um berrido de distancia da nai á hora de comer. Tamém era o noso campo, o campo dos da Canteira, mais como eramos tam poucos nom nos dava para fazer umha equipa de futebol, e entóm tinhamos que xogar por temporadas cos de Arriba ou cos de Abaixo, Podia dizer-se que eramos os Figo dos oitenta, mais ninguém nos odiava nem nos tiravam cabeças de porco.
O campo inclinava hacia abaixo de esquerda a dereita mirando desde a Canteira e iso incordiava bastante sobre todo quando pola lei da gravidade e a força centrífuga acavavas entre as gestas e tojos da banda. Eram pequenas incomodidades.
Eramos dos poucos que tinham campo de herva, quando ainda a equipa da vila jogava num campo municipal de terra. Bem, o nosso máis que de herva era de terróns, pero era todo verde, e andavamos a esvarar todo o tempo porque ninguém tinha botas de tacos.
Naqueles tempos de rivalidade entre os 2 monumentos, todos tinham um sonho comúm: que Michel o do Madrid (o dos anos oitenta) vinhese um dia e nos vise jogar e decidise amanharnos o campo, ponhe-lo a nivel, arranjar o dos terróns e fazer umha escola deportiva e por suposto, mercar-nos botas de tacos das de alumunio e das de goma, por se iamos jogar a campos de terra.
Fai uns días as excavadoras e os camións comezarom a chegar para fazer um gram burato no campo dos grilos, para ponhe-lo a nivel, para baixalo uns metros como o Camp Nou para poder ponher bancadas e para meter os vestiarios baixo o campo. O sonho comeza a colher forma, pero sabemos que só perdurará até que o formigóm levante a estructura de catro andares e entrecham (máximo que permite o concelho) para fazer as vivendas que tanto se precisam. Seguramente, algúm dos ocupantes desas futuras vivendas seja algúm deses nenos que noutrora jogou nese mesmo lugar e desejava que Michel o do Madrid vinhese a cumprir os nossos sonhos. E quando chegue á sua nova casa lembrará que vive enriba do jardim das ilussons.

Prendo a Rádio

Prendo a Rádio.
Aí está el a falar e a falar.
Como sempre demonizando as forças políticas totalmente democráticas que defendem os intereses do seu país.
Pactar com nacionalistas é o último da vida para este senhor. Que nom lembra que governava com 2 partidos nacionalista fai 2 lexislaturas.
Agora resulta que o nacionalismo democrático é pouco menos que ilegal, que nom tenhem dereito a defender os seus legítimos intereses.
Ainda estando na oposiçom siguem na intransigência habitual. O peor de todo é que sae de boca dum suposto compatriota, que quando vem pola terra a intentar salvar o dinosauro nem sequera se digna falar no noso idioma, claro que nunca o fixo. E o senhor candidato á junta de Galiza polo seu partido quando vem el, de súpeto tamém se esquece. Menos mal que estes eram os do galeguismo. Si, si e eu quero Combo.
Agora vem o outro, o que moito fala e pouco actua.
Vou quedar a escoitar . É como quedar a ver um Real Madrid-Barça. Mirando, pero sem especial interese em que ganhe un ou outro. A lástima é que nunca perdem os 2. Pero na nossa liga, na que se xoga o 19 de junho estou seguro que vam perder os 2.

Ari Ari Ari

Nom o soporto máis. Tenho que escrever algo sobre isto.
Acercase a fim do mundo em Euskadi, ou polo menos isso é co que ameazam na rádio, em todas as radios do estado. Dá igual, Ser, Ondacero, RNE, etc.... pero o verdadeiro cataclismo chega se escoitamos a nossa Rádio Galega.

Segúm estes, Euskadi vai-se converter numha república bananeira no caso que ganhe Ibarrete e a coaliçom PNV-EA.
@s vasc@s que votem a Ibarretxe som uns inconsciéntes, os pobres nom sabem o que fam, nom som nacionalistas, simplesmente estám enganados.
Ahhhhhh, asi me entero de que máis do 40% d@s vasc@s votantes de PNV-EA som uns ignorantes e os únicos em poder quita-l@s do seu erro som Sam Gil e López. E os que votariam a Batasuna ou vam votar EHAK ou Aralar, esses si que sabem o que fam, pero estes som simple e directamente terroristas.
E o peor de todo é quando pronosticam os resultados, tod@s se ponhem a chorar.... Pero por que choram? Se ao final os vasc@s só vam ser o que el@s queiram ser, nom pode ser doutra forma.
Que torzam cara onde queiram, pero que nom insultem á meirande parte do povo vasco
25 anos de governos nacionalistas em Euskadi. 25 anos de malinformaçom? Anda já..... Euskadi é maioritariamente nacionalista, por isso euskadi é governado por nacionalistas.
Ari Ari Ari, Ibarretxe lehendakari